Monday, August 08, 2005
Epekto ng puyat.
Maganda pala ako pag nagkukunwaring tulog. Kumusta naman ang ka-epalan? Mabuti naman at naihabol ko ang aking problem set sa Math 17. Iniurong sa Huwebes ang submission subalit may extra points yung mga naunang mag-pass. Maraming salamat pala kay Kuya AJ na natulungan ako sa pagsagot. At hindi lang yun. Sa kauna-unahang pagkakataon ay hindi ako umupo sa harap. Sa halip ay umupo ako sa second to the last row katabi ni Shobe at kami ay nagsolve at hindi nakinig sa discussion. Para lang maipasa nang maaga ang problem set. Huwaw. Tas midterms na sa Wednesday diba?!
Iba talaga ang epekto ng puyat. Alas-tres na ng madaling araw ako nakatulog at gumising ako ng alas-sais ng umaga. O diba, hindi rin naman ako bitin sa tulog?! Kinailangan kong pumunta sa Peyups nang maaga kaya hindi na ako nag-almusal. Diretso ako sa fishball stall pagkatapos na pagkatapos ng Math. Himala, hindi kumain si Mico. LOL. Sa kalagitnaan ng Soc Sci 2 nagsimula ang tuluy tuloy na sakit ng ulo. Simula nun ay hindi na ito nawala. Shet, kelangan ko nang bawiin ang tulog ko!
Pangalawang attempt namin ni Clauds na magkaroon ng matinong pichur na magkasama. Yes naman diba? Clauds, maganda tayo pareho dyan kaya i-save mo yang pichur na yan. Minsan minsan lang tayo nagkakaroon ng pic na hindi mukhang bangag yung isa eh.
Haaay. Ang saya ng may friends. Not that wala akong friends dati. Wala lang. Ngayon ko lang ulit na-realize. Alam mong may katuwang ka sa mga bagay sa labas ng iyong lovelife, as if meron ako. At sila rin mismo ay may sari-sariling problema at natutuwa ka tuwing nakakapagbigay-payo ka. Ang sarap ng may nakangiti (nang totoo) na babati sayo tuwing nakikita ka nila. Mararamdaman mo naman kung kaplastikan yun at kung hindi eh.
Ay. May sinabi pala ako kay Ian. Silang dalawa lang ni Rhea ang nakakaalam nung sikretong yun. Tagos eh. Alam kong tama naman ang reason ko kung bakit ako umaayaw. Tama naman ako, diba? Oh well. Basta. Tama ako. :P
Paano ba yan, midterms na namin sa Math sa Miyerkules. Good luck sa akin diba? Dapat siguro ay nagpa-praktis na 'ko ulit. Kaya't, sige. Babay na. Kelangan nang magbawi ng tulog ng lokarette na ito. ;)
