Saturday, August 13, 2005
Prinsipyo.
Kausap ko si Edison kagabi dahil gustung gusto ko nang ayusin yung hidwaan namin. Hindi naging final kung bati na talaga kami basta't ang alam ko ay natapos ang usapan namin ng Good morning sapagkat mag-aalas-tres na nun at nakapag-Thank you ako sa kanya. Napag-usapan din namin ang magkakaiba naming prinsipyo at kung papaano magkakaisa despite ang mga ito.
Sa maikling panahon ay nakalimutan ko ang mga prinsipyo ko. Sa pagcoconcentrate ko sa acads at sa application sa Psych Soc ay nakalimutan ko nang balikan ang aking mga paniniwala't panindigan. Salamat sa paggising sa akin, Ein. (Sasanayin ko nang tawagin ka sa bago mong nickname. O kaya'y Ajnfaheniagbi.) ;)
Bumalik sa aking pagkatao ang paniniwalang...
Wala tayong karapatang manghusga ng kahit na sino. Tao lamang po tayo at lahat tayo ay hindi perpekto. Sa totoo lang, I REALLY HATE LABELS. Naiinis ako dahil ang kakapal ng mukha ng mga taong bigyan ng label ang ibang kakaiba sa kanila. ALIEN. LOSER. KIKAY. (Ein, kikay is not the word. Kung gusto ninyo akong i-label, papayag ako kung colorful ang sasabihin niyo. :P) BORING.
Alien? Hindi po porket hindi ganoon ka-sociable ang isang tao at nag-eenjoy siya sa pag-iisa niya ay may karapatan na kayong tawagin siya ng ganun. Eh ano kung iba siya? Eh ano kung hindi siya ganun kadaling magtiwala? And by the way, hindi niyo alam kung ano ang iniisip nila. Sa kanilang pananahimik dumadaloy ang malalalim na idea na taliwas sa ordinaryong pag-iisip.
Loser? Tawagin mong isang loser ang tao kung may ginagawa siyang mali sayo. Kung wala, sino ka para manghusga? Losers ba ang mga nag-aajedres? Losers ba ang nanunuod ng telenovela? Losers ba ang mahilig manguha ng mga pichur (na hindi nila kinukuhanan ang sarili nila)? Think about it.
Kikay? Boring? Haha. Biased na pagdating dito. Paano mo masasabing kikay ako kung nagme-make-up lang ako tuwing may shoot o VTR? And actually, bihira lang akong pumorma. At masama bang pumorma nang paminsan minsan? Kikay ba ako dahil mahilig ako sa bright colors? Mahinhin ba akong tumawa? Mahinhin ba akong kumilos? At boring? Paano mo masasabing boring ang isang taong pag kinakausap mo ay laging seryoso ang usapin kung ikaw naman ang nagsimula ng seryosong topic? Think about it tambien. ;)
Ang kulit, sobra. Kaya mga tao, plis lang. Pangit mag-stereotype. Astig ang open-mindedness.
Do unto others what you want them to do unto you. Golden rule po ito. Pre-school pa lang ay alam na natin ito. Nakakatawa lang na habang lumalaki tayo ay nakakalimutan na natin ito.
Oo, iba't iba nga tayong lahat. Iba't iba tayo ng point of view. Kaya nga sinasabing pagdating sa opinion, walang mali at walang tama. Kaya naman ay dapat respetuhin at intindihin natin ang isa't isa.
Hindi nga mawawalan ng pagkakaiba sa mundo. Kaya nga diba puro giyera, awayan, pagtatalo, atbp. ang umiiral hanggang sa panahon ngayon? R-E-S-P-E-C-T each other. Yan ang susi sa kapayapaan. ;)
Lahat ng bagay ay may dahilan. Kaya naman ay dapat kilatisin muna natin ang isa't isa bago mag-conclude tungkol sa pagkatao ng isang, well, tao. Kung bakit si Ganyan ay masungit ay marahil dahil mayroon siyang problemang pinapasan at malamang ay kailangan lamang niya ng karamay. Kung bakit si Ganito ay mapanghamak ay marahil dahil siya ay isang napaka-insecure na tao at ang panlalait at paggawa ng masama sa iba ang tangi niyang outlet. Kung bakit si Ganoon ay sensitibo ay marahil dahil punung puno na siya ng emosyon na kinikimkim. Laging may rason sa likod ng bawat ugali o gawain. Alamin bago mag-conclude.
Hindi masama ang makipaghalubilo sa iba. Ito ang dakilang turo ni Ein. How ironic. LOL. Hindi naman sa isnabera ako o ano. May dahilan kung bakit hindi ako ganun ka-friendly. Sa katunayan ay madali akong magtiwala sa mga tao dahil unfair naman sa kanila kung sa simula pa lamang ay pinagdududahan ko sila. Actually friendly ako pero hindi ko pinagpipilitan ang sarili ko. Nakakahiya kasi na sa dami ng blockmates namin sa N11 ay hindi ko maalala ang kanilang mga pangalan. At dahil ganun ay nahihiya akong lumapit. Pero hayaan mo Ein, susundin ko yang payo mo. ;)
Marami talaga akong natutunan kagabi.
Wow, bumabalik na ako sa tamang pag-iisip! ;)
