Monday, August 22, 2005
Red Bull, mahal na kita!
Okey na sana ang araw ko. Okey na sana talaga.
Mabilis kong natapos ang aking seatwork sa Math 17 at ang lakas ng kutob kong perfect yun. Kaso nga lang, nung sumunod na class (Soc Sci 2), binagsak ko ang quiz by 0.5 points dahil hindi ako nakapagreview para rito. Kinain lang naman kasi ng Anthro 10 ang buong weekend ko. Sabi ni Girlie nung asa Dagupan ako since napansin niyang buong maghapon ay nakaupo lang ako't nagrereview: Ayoko nang mag-college sa UP, ganyan din gagawin ko! Ang kyut noh? Kumbinsidong kumbinsido tuloy ang aking mga magulang na ako'y tunay na nagpapakadalubhasa.
Anyway. Leche yung Anthro 10 midterms. Hindi ko masyadong dinibdib yung mga definition at explanation sapagkat akala ko'y panay identification, matching type, enumeration, etc. lang naman siya. Laking gulat ko na lang nang isulat ni Prof Jocano ang 20 terms sa white board gamit ang kanyang red marker na terno sa kanyang red shirt. I-define daw namin ang bawat isa for two points at i-explain naman for three points. Kumusta naman ang isa't kalahating oras? Sabay kanta ng "I can't get no... grade of UNO... sa tono ng I Can't Get No Satisfaction. Winner talaga yang si Sir sa pang-asar. Parang hindi na nawalan ng isang personality na katulad ng tatay ko sa aking paligid.
Hindi lang po yan. Since malakas ang tama ng Red Bull at hindi naman ako coffee person, nanginginig-nginig akong nag-exam. Pagkatapos ng exam ay nangingisay-ngisay naman na 'ko. LOL.
SUBALIT hindi pa natuwa si Kamalasan sa panggagantso niya sa akin. Sa loob ng CASAA ay sinapit ko ang unang unang physical pambabastos na naranasan ko sa buong buhay ko. Sana talaga'y sinapak ko na ang gago. Pagpasok pa lang namin ng CASAA ay napansin ko nang kanina pa ako binabangga nung isang guy na naka-sleeveless na gray at body bag. Hindi pa nakuntento ang gago. Pagpila ko para bumili ng C2, naramdaman kong may dumaplis sa aking gluteus na hindi man lang naggrow to its maximus. Pakshet, iba na talaga yun. Hindi na tama yun.
Since ayokong mag-eskandalo at sinabi ko naman na sa sarili kong once ginawa pa niya yun ulit ay sasapakin ko na talaga siya, tumakbo na lamang ako kina Kuya Drew at Ate Fao, at sinamahan naman ako ni Kuya Drew. Actually binunggo na naman ako nung weirdo pero as in umiwas ako. Subalit sinundan niya pa rin kami. Buti na lang ay magaling kaming lumusot. Shet. Hinding hindi na mangyayari ulit yun. Sasapakin ko na talaga yun next time!
Naiiyak na talaga 'ko kanina pero napigilan ko. Malaking accomplishment po para sa akin ang mapigil ang aking mga luha. Sa susunod talaga ay lalaban na ako. Kaya kayo, mag-ingat kayo sa CASAA!
Bagamat todo badtrip ako pagkatapos ay bumalik na naman ang aking pagka-hyper sa Span 10. Pinilit ko si Mark na mag-recite kami for 5 stars... Yess! Anim na estrella na lamang ay buo na ang 20% ng greyd ko! Haha. Ayun. Son las seis y catorce de la noche. Eso es nuestro nuevo leccion! =P
Huwaw. Bilib din ako at nakaya ko ang araw na 'to. Naitawid ko ang paswing-swing na tulay ng acads kanina. Nakayanan kong hindi iyakan ang pambabastos. Nakayanan ko rin ang pagsesermon nina Mico, Mia, at Shobe kanina tungkol sa estado ng aking lablayp kanina. Weheh. Ma-pride daw ako. Masyado raw hard-to-get. Wateber, dood.
RED BULL, aylabyu. Sinagip mo ang buhay ko!
