Monday, August 08, 2005
Wow, umaga na!
Puyat na naman ako. Hindi ko pa nababawi ang tulog ko subalit heto na naman ang panibagong bagay na kailangang pagpuyatan. Ay, good luck sa akin bukas at maaga akong papasok para mangolekta ng pupuno sa mga blangko ng answer sheet ko sa problem set. =P
Bumaba ako kaninang umaga sa NAIA nang naka-pajama lang at T-shirt. Kung anong pinantulog ko kagabi ay ang suot ko habang ako'y nagbeso at umakap sa aking mga magulang at kay Mommy. Nakakatawa nga nung ginising ako ng tatay ko eh, nagpabuhat ako as a sign of paglalambing. And guess what? Binuhat ako! Wala lang. Miss ko nang maging bata. Mamimiss ko ang pangungulit nila sa cellphone ko. Tatlong araw din yun! Flight nila kanina papuntang Bohol. Too bad at hindi na pwedeng daanin sa excuse letter ang mga prof sa kolehiyo. Kaya nga miss na miss ko na ang hayskul.
At speaking of hayskul, nag-Starbucks Katips kami kanina ni Daryl , isa mga hayskul buddies ko. Nagpatulong siya sa English paper niya tungkol sa Peyups at ako naman ay nagpatulong sa aking lintik na problem set. Hindi rin niya ako masyadong natulungan sapagkat hindi rin kinaya ng Atenean powers niya ang Math 17 ko.
Subalit ang aking kaibigan ay hindi pa nakuntento sa interview lamang. Pinilit niya akong samahan siya sa Peyups. Hangganda naman ng timing noh, kung kelan pa UPCAT! Pero sige, pinagbigyan at inikot namin ang Acad Oval. Hindi lang yun, pinasok pa namin ang SC. Meron bang ganyan sa Arneo? Haha. At na-amaze siya sa presyo ng Chocnut sa Coop. Sayang, hindi bukas yung isawan sa may Balay Kalinaw!
Ay, nabanggit ko bang may ride ako hanggang Tuesday habang asa Bohol ang aking mga magulang? Iiwan lang naman sa akin yung van. Wala lang, masaya lang! ;)
Naku, sana naman ay mapunan ang mga blangkong numero dito sa problem set ko. Ilang gabi ko na itong pinuproblema ha. Paano naman kasi, gusto kong makakuha ng mas mataas pa sa tres... kung makakuha pa ako ng tres!
At grabe, umaga na nga! 1:41 AM na dito sa aking taskbar at mukhang matagal-tagal pa akong mananatiling gising. Gagawa pa ako ng homework sa Span 10 at magrereview naman ako sa Soc Sci 2. Wow, ang sipag ko. Ang sabihin niyo, ang galing kong mag-cram! :P
Teka. Alam ko na kung bakit hindi ako inaantok.
Gutom na naman ako.
*sabay isip kung bababa at kukuha ng pagkain sa ref*
